Evrópska fagráðið í forvörnum og ráðgjöf ásamt styrktaraðilum stendur fyrir vinnustofunum:

FÍKN OG FRELSI

Hagnýtar aðferðir í meðferð og bata

Tími:  27. janúar 2025,  kl. 9.00-16.30 (salurinn opnaður kl. 8:45).

Staður:  Hverafold 1-3, 112 Reykjavík (gengið inn frá Fjallkonuvegi).

Verð:  kr. 15.000. (hádegishressing innifalin).

Skráningarfrestur er til 20. janúar n.k. Hægt er að greiða með seðlum eða beint inn á reikning fagráðsins: 331-13-538, kt: 541010-1730.

Skráning tekur gildi þegar greiðsla hefur verið móttekin.

Vinnustofan gildir sem 7 stundir framhaldsmenntunar.

Á þessum vinnustofum munu Sigurlína Davíðsdóttir, Esther Helga Guðmundsdóttir, Árni Einarsson og Gunnar  Hersveinn heimspekingur leiða saman hesta sína í þeirri viðleitni að skoða hagnýtar aðferðir til meðferðar við ýmsum fíknisjúkdómum og í bataferli. Vinnustofan er í boði fyrir þá sem starfa við ráðgjöf og meðferðir og aðra áhugasama um málefnið. Núverandi og fyrrverandi nemendur Ráðgjafaskóla Íslands, Forvarnaskólans og INFACT skólans eru sérstaklega hvattir til þátttöku.

Þeir sem glíma við hinar ýmsu fíknir þurfa að horfast í augu við þann veruleika að hafa misst stjórn á neyslu og/eða hegðun. Þá fer það ferli í gang að komast í svokallað „fráhald“ frá efnum og hegðunum og síðan tekur við bataferli þar sem viðkomandi tileinkar sér nýjar hegðunarreglur til að fara eftir til að ná og viðhalda „bata“. Hlutverk ráðgjafa er að styðja við þetta ferli. Hér ættu að fást hagnýtar leiðbeiningar til þessa.

Í  boði verða ýmis gögn sem tengjast efni vinnustofanna.

Nánari upplýsingar er að finna á www.ec-board.com, í síma 8201887 og á netfanginu linadav@hi.is. 

Að sjálfsögðu er heimilt að deila þessari auglýsingu.

Dagskráin 

8:45    Húsið opnað

9:00    Vinnustofan sett

9:15    Vinnustofa 1: Hagnýt verkefni fyrir tólf spora vinnu í fíknimeðferð.

              Fyrirlestur og umsjón: Sigurlína Davíðsdóttir.

Umræður og verkefni – Stuðst verður við bókina Sigurinn liggur í uppgjöfinni.

11:00 Vinnustofa 2:  Meðferðarleiðir, áskoranir og árangur.

             Fyrirlestur: Esther Helga Guðmundsdóttir.

12:00    Hádegishlé. Léttur hádegisverður borinn fram á staðnum

13:00    Vinnustofa 3

Umræður og verkefni: Skimanir og greiningar fyrir sykur- og matarfíkn.

              Umsjón: Esther Helga Guðmundsdóttir.

14:00    Vinnustofa 4: Vending – Hvað þarf til þegar venda á kvæði sínu í kross?

             Einstaklingur og samfélag.

              Fyrirlestur og umsjón: Árni Einarsson og Gunnar Hersveinn.

Umræður og verkefni.

15:45    Samantekt og lokaorð. Skírteini afhent.

16:00    Vinnustofunni slitið.